КОНСТАНТИН СЕВЕРИН, РОМАНИЈА (CONSTANTIN SEVERIN, ROMANIA)
Константин Северин е романски посател и визуелен уметник, основач на Архетипскиот
експресионизам и негов поборник, високо ценето глобално уметничко движење, кој тој го основал во
Буковина во 2001 год. Дипломирал на Универзитетот во Ајова на меѓународната програма за креативно
пишување, а има објавено 10 книги поезија, есеи и фикција. Негови дела се објавувани во: World Literature
Today, Artdaily, Trafika Europe, the Poet, It’s Liquid, Levure Litterature, Empireuma, Contemporaneul, Vatra и
многу други меѓународни уметнички и книжевни списанија. http://constantinseverin.ro/
ЌЕ БИДЕШ СЛОБОДЕН САМО ВО УНИВЕРЗУМОТ НА ЈАЗИКОТ
Се откажав од сите маски
и почнувам да ја живеам мојата иднина
во сегашноста која трае од дамнина
аџија на кружно време
Поканив четворица пријатели со мене
еден Американец со возвишен дух
на една цивилизација од спацијални значења
фасциниран од полнотијата
материјалното
балансот
брзината
надворешноста
позитивизмот
еден Европеец со проткаен дух
на една цивилизација од привремени значења
под власта на нестабилноста
недопирливото
нематеријалното
внатрешноста
метафизиката
еден Африканец со горлив дух
на една цеивилизација од прастари значења
опкружена со исконски морници
митското
допирливото
статичното
архаичното
имплозивното
еден Азиец со волшебен дух
на една цивилизација од архетипски значења
преобразени од традициите
непроменливото
естетското
хиератичкото
безвременото
отелотвореното
Американецот е гениј на просторот
Европеецот гениј на времето
Африканецот гениј на предците
Азиецот гениј на архетипското
но секој од нив чувствува гадење од бесконечноста
во оазата наводнувана од кружното време
па се себепрогонија
ангелот чувар
ми вели
дека во светот управуван од маскирани луѓе
можам да бидам слободен само во универзумот на јазикот
Translation from English into Macedonian: Daniela Andonovska Trajkovska
Превод од англиски на македонски: Даниела Андоновска-Трајковска