Автор на сликата: Димитар Солаковски
ИЗМЕСТЕНО ВРЕМЕ
Над него
и до него друг збор.
И потаму пред него збор.
Збор преку планина,
преку поле, преку меѓи,
од село до село
од град до град –
Мост.
Под него
и над него друг мост.
Мост преку река,
преку море,
преку океан,
од континент до континент –
Збор.
А ваму
ги рушиме мостовите
ги бришеме зборовите
та тешко може да се најде
и збор и мост
во ова изместено време.
Радован П. Цветковски