ВЕНЕЦУЕЛА (VENEZUELA)
МАРИЕЛА КОРДЕРО (MARIELA CORDERO)
Мариела Кордеро (Mariela Cordero 1985, Venezuela) е поет, писател, преведувач и уметник. Има добиено повеќе книжевни награди (трета награда Pizarnik Argentina, 2014; прва награда на II Iberoamerican PoetryContest Euler Granda, Ecuador, 2015; втора награда за поезија Concorso Letterario Internazionale Bilingual Tracceperlameta Edizioni, Italy ,2015), прва награда на Castilian Transpalabrarte, Spain 2015; прва награда – First Literary Quality Award Anniversary of Hispanic Poets, Spain 2016).
НЕБОТО НАД БЕРЛИН.
Непознат поглед прелетува над
ротациониот распад и искинатата треска.
се правиш дека не ја забележуваш гласноста на светот
игривата суровост на залудната потрага.
древните гласови бараат од тебе да ја загризеш љубовта,
како бегалец и како ужасно јаболко кое мора да го изедеш
пред твојата триесетта година,
да го изедеш пред да изгние.
Ние вибрираме со кревок обид да ја допреме бесконечноста
и покрај сѐ, стануваш неуреден.
стануваш валкан од задоволства во тој течен поглед
кој те моли и те влече
му се предаваш на лавиринтот. преферираш да изгориш.
но тоа не го знае ниту ангелот. љубовта е стапица, но и чудо.
Превод од англиски на македонски:
Даниела Андоновска-Трајковска
Translated from English into Macedonian:
Daniela Andonovska-Trajkovska