НЕПОЗНАТИОТ КРАЈ
Стравопочитувачкото присуство
Во име на духот на сета Креација
Пространи шумски патишта, планини покриени со снег и глечери
Запалени од распрсканите зраци
Пламењата можат да го зафатат светот, поплавата може да потопи бродови
Енциклопедијата на Земјата е полна со нови записи
Реките се пренасочени, планинските врвови се срамнети со земјата, ливадите се испасени, мочуриштата се исушени
Некогаш ги знаевме
Бегониите со жолти цветови, Чилеанското сандалово дрво, Маслиновите дрвја од Св. Елена, белите пеперутки од Мадеира и црните носорози, медоносците, анакондите од Маврициј, Пиринејските кози и Калифорниските Totoaba macdonaldi, златните крастави жаби во дождовните шуми
Но сега, или се истребени или се избегани
Киселите дождови го бркаат ветрот за да расте во пламења и да го засилува чадот
Ситуацијата е дури и влошена од човечката бесчувствителна експлоатација на природата, клонирањето и пренаселеноста
Без да ја земеме предвид можноста да падне астероид, хабитатот, малку по малку,
се собира, скршен, или дури и изгубен
За доаѓањето на пророштвото за „шестото масовно истребување“[1] кое ќе ја плати сметката
„Секој нов пат ќе создаде безнадежна пречка за генетската размена на пеперутки“
Паднатите дрвја, придружени со пропаднатата жетва на бананите ги бришат црвените мајмуни и лемурите со малечки усти
Алчните пиштоли често се креваат
нашите блиски роднини кои не избегале од оваа несреќа
Гаја[2] е со скршено срце сега
На денот кога конечно паѓа завесата, можеме ли да ги вратиме назад?
Можеме ли се уште да се најдеме себеси?
Су Жу, Нов Зеланд
Sue Zhu, New Zealand
Превод од англиски на македонски:
Даниела Андоновска-Трајковска
Translation from English into Macedonian:
Daniela Andonovska-Trajkovska
[1] Шестото масовно истребување – научниците веруваат дека претереаните човечки активности го имаат забрзано процесот на истребување на видовите дури до 1000 пати во споредба со природното истребуавње, а земјата влегува во период на шесто масовно истребување
[2] Гаја – Божица на земјата во грчката митологија
Во Списание за книжевност, уметност и култура „Раст“ (2021, бр. 24),
(Уред. Даниела Андоновска-Трајковска, Милица Димитријовска Радевска и Елизабета Јончиќ, Изд. Друштво на писатели „Битолски книжевен круг“ – Битола, РС Македонија)
In Journal of Literature, Art and Culture “Growth” (2021, No. 24)
(Editor in chief: Daniela Andonovska-Trajkovska, Ed. Milica DImitrijovska Radevska, Elizabeta Jonchikj, Publisher: Association of Writers “Bitola Literary Circle” – Bitola, North Macedonia)
