Автор на сликата: Димитар Солаковски
СЛИКИ
Цртачот
ги пресоздаде сликите на празнината.
Во нив
телото не фрла сенка
во нив
телесниот облик е сјај.
Во нив
остри разногласини
се коваат низ колебливост
и искрите
блескаат посилно од сјајот.
Во нив
голтката ја згаснува жедта
и жедта алчно ја впива голтката.
Во нив
огнот е воздух врамен во празнините.
Ветерот е јато на сматени сенки.
Цртачот
неизбежен закон за длабока промена.
Елизабета Јончиќ
