Апсолутна власт
Зошто ти е апсолутна власт
која ќе те надгледува колку пати си ја измил својата уретра или анус со вода,
и која ќе се обидува да ја утврди влажноста на твоите усни,
за неа ти си само индивидуален елемент
на колективното однесување
Таа беспотребно ги троши големите извори од твоите очи
и го закопува морето од пулсирачки авицении.
За тоа што е Вишок ти зборувам.
Да имаш отповеќе е како да ја имаш смртта.
Вишокот е сонот на кој не му треба јакна од сон.
Тоа е како скокачка четвртина нота во мелодијата кога пееш,
како боите кои истекуваат од сликата
стануваќи флека од воодушевеност.
Работниците се принудени да кратат
писма за непознат примач
од осигурувањето на нивната пот.
Па што ако донираат половина солза доброволно?
Збирот од солзи половинки може да ги реновира малечките куќи
раширени како мрзливи листови од банана.
Само во тоа што е отповеќе веруваме.
Нека некои од вас го наречат украдена револуција на „Животинска фарма“[1] како ритмички наратив.
Нека некои од вас го наречат трага
од ноќен ранец и трошки од разговор.
А всушност треба да го наречете ———–
———————- ————————
—–[2] од тоа што го крие акцентот на тишината
во тепкањето[3] на знаењето.
Не можеш да ја спознаеш неговата сушност
освен ако не создадеш движење во вакуум простор.
РАЕД АНИС АЛ-ЈИШИ, Саудиска Арабија
RAED ANIS AL-JISHI, Saudi Arabia
Превод од англиски на македонски јазик: Даниела Андоновска-Трајковска
Translation from English into Macedonian: Daniela Andonovska-Trajkovska
[1] Сатиричен роман на Џорџ Орвел (забел. на превед)
[2] Ова место е цензурирано од апсолутната власт
[3] Тепкање е говорен недостаток кога при изговорот наместо едни се изговараат други гласови поради неможност да се изговорат точните гласови или при „бебешко“ говорење кога возрасниот му се обраќа на детето имитирајќи го неговиот говор (забел. на превед).
Наскоро во Списание за книжевност, уметност и култура „Раст“ (2021, бр. 23),
(Уред. Даниела Андоновска-Трајковска, Милица Димитријовска Радевска и Елизабета Јончиќ, Изд. Друштво на писатели „Битолски книжевен круг“ – Битола, РС Македонија)
Soon in Journal of Literature, Art and Culture “Growth” (2021, No. 23)
(Editor in chief: Daniela Andonovska-Trajkovska, Ed. Milica DImitrijovska Radevska, Elizabeta Jonchikj, Publisher: Association of Writers “Bitola Literary Circle” – Bitola, North Macedonia)