ВО ЧЕСТ НА УБАВИНАТА
Визуелен момент на сензација
сцената е голема одговорност
музикалноста на ветрот носи свежи ноти
коси ти разгалува утринското сонце.
Пеат и танцуваат птиците во лет
притаените желби акустика ги возвишува
спокојство и радост во душата
по патот трчам кон тебе.
Времето за љубов е секогаш
зелените брегови нѐ викаат
убавината на денот е во утринското кафе
книгата магични страници расфрлува.
Колачи од цимет, книжарница полна со книги
сраснат со професијата отварам дневен весник
шестото сетило ме потсетува
мелосот е сојузник во амбиентот.
Ти си кралица на вечерта,
црвен кармин ги краси твоите усни
интензивен мирис на старо вино
магија на вошебен допир.
Со насмевка снегот го растопуваш.
од највисоките планински масиви,
врамен е пејзажот на лененото платно
во него вткаени јас и ти.
Во Списание за книжевност, уметност и култура „Раст“ (2021, бр. 24),
(Уред. Даниела Андоновска-Трајковска, Елизабета Јончиќ и Милица Димитријовска Радевска, Изд. Друштво на писатели „Битолски книжевен круг“ – Битола, РС Македонија)
In Journal of Literature, Art and Culture “Growth” (2021, No. 24)
(Editor in chief: Daniela Andonovska-Trajkovska, Ed. Elizabeta Jonchikj, Milica DImitrijovska Radevska, Publisher: Association of Writers “Bitola Literary Circle” – Bitola, North Macedonia)