ЗНАК
Тризабецот го прободи соколот
водата се претвори во оган
остана вжарен гласникот.
Седум пати се заврти во падот одвоен од саканите,
седум пати го спомна опасниот пат
пред гневното божество
и тони страдања му врикаа во умот.
Во сенишно поле на есенска зора
во трите убоди
се изродија мравјалници од скришните места
на пониски постоења.
Седум сјајни зраци
ја фрлија сенката над прободениот сокол
обликувајќи новосоздаден знак
во вечниот круг.
