ПОТКРЕПА
Мушан, провинција Јунан, јули 2016
Живот во заборав.
Подгрбавена силуета бледнее меѓу ѕидините
на една изгубена младост.
Подај ми ја дланката.
Денот сè уште мириса на презреано манго.
ПЛАЧОТ НА АШИМА
Шилин -камената шума, провинција Јунан, август 2016
Што е она што се извива кон облаците?
Безживотните звуци од плачот на Ашима
бараат утеха во бесмртноста.
РАМНОДУШНОСТ
Мушан, провинција Јунан, јули 2016
Пладневен припек во дворот на селскиот павилјон.
Единствено шумот на метлата им го одзма спокојството
на мушанските сонливи јорговани.
Густ чад се издолжува над тутунарникот на Хонгбо.
Загледан во гумното, ја затворам книгата,
потем повторно ја отворам, па пак ја затворам.
Во Списание за книжевност, уметност и култура „Раст“ (2021, бр. 24),
(Уред. Даниела Андоновска-Трајковска, Елизабета Јончиќ и Милица Димитријовска Радевска, Изд. Друштво на писатели „Битолски книжевен круг“ – Битола, РС Македонија)
In Journal of Literature, Art and Culture “Growth” (2021, No. 24)
(Editor in chief: Daniela Andonovska-Trajkovska, Ed. Elizabeta Jonchikj, Milica DImitrijovska Radevska, Publisher: Association of Writers “Bitola Literary Circle” – Bitola, North Macedonia)
