ИЗВОР
Низ целиот свет трагав
по изворот што ќе ја изгасне жедтта на љубовта.
Ден за ден,
ги занурнував рацете во сите води,
неисплашена од нивните тајни
и ги вознемирував
зачмаените тајни
и во најдлабоките сенки,
под најтешките карпи,
на бреговите кои
никогаш не дознале
колку боли стисокот
на залутаното стапало.
Кога гаснеше светлината,
во грч го совладував
демонот на ужасот
и никогаш не застанував
уловена во пајажината на колебањето.
Го барав изворот
што душата ја пои.
И го најдов.
Во една твоја исплакана солза.
Единствената… за нас…
Во Списание за книжевност, уметност и култура „Раст“ (2021, бр. 23),
(Уред. Даниела Андоновска-Трајковска, Елизабета Јончиќ и Милица Димитријовска Радевска, Изд. Друштво на писатели „Битолски книжевен круг“ – Битола, РС Македонија)
In Journal of Literature, Art and Culture “Growth” (2021, No. 23)
(Editor in chief: Daniela Andonovska-Trajkovska, Ed. Elizabeta Jonchikj, Milica DImitrijovska Radevska, Publisher: Association of Writers “Bitola Literary Circle” – Bitola, North Macedonia)
