МАГИЧЕН ДЕН
На клупа во паркчето до мојата зграда
двајца вљубени
гугукаа како гулаби.
Преку улица, на влезот од пазарот,
ко распеани фоки на бина,
си прикажуваа две баби.
Сред пазарот течеше врвулица
од сончогледни лица
во змијовидна редица.
Во кафулињата – офарбана младост
со акробации густираше кафе
во кафезот на својата радост.
Над кружниот тек лебдеа јаболка
кои ветрот ги претвораше во монети
па во суво овошје за лек.
На работа – мажи со ножеви создаваа ураган,
а две наежени жени голтаа оган
за победа во турнирот на хирот.
Многу ме интересира
што ќе извлече
ноќта од шеширот.
Во Списание за книжевност, уметност и култура „Раст“ (2021, бр. 24),
(Уред. Даниела Андоновска-Трајковска, Елизабета Јончиќ и Милица Димитријовска Радевска, Изд. Друштво на писатели „Битолски книжевен круг“ – Битола, РС Македонија)
In Journal of Literature, Art and Culture “Growth” (2021, No. 24)
(Editor in chief: Daniela Andonovska-Trajkovska, Ed. Elizabeta Jonchikj, Milica DImitrijovska Radevska, Publisher: Association of Writers “Bitola Literary Circle” – Bitola, North Macedonia)