РАЃАЊЕ
Лежејќи така во креветот сум задремал,
а потоа чудно сеќавање
в очи ми се пикна.
Во сонот си го видов сопственото раѓање
Видов утро кое брои минути
чекајќи изгрејсонцето на хоризонтот да се појави,
а потоа одеднаш сликата се смени.
Бројчаникот и натаму времето го рони
а пред мене наместо утро –
мајка ми се појави.
На седмиот месец во нејзини раце се најдов
два пара очи в миг се споија.
Ќе живее ли оваа душа?
Во себе се праша,
а потоа ме стави да лежам
во серејлива волна
во табла плетена од врбови прачки
Кога мојата душа заличе на човек
„Ќе го биде“ – на татко ми, му рече
а од очите ѝ изгреа сонце
Во Списание за книжевност, уметност и култура „Раст“ (2021, бр. 24),
(Уред. Даниела Андоновска-Трајковска, Елизабета Јончиќ и Милица Димитријовска Радевска, Изд. Друштво на писатели „Битолски книжевен круг“ – Битола, РС Македонија)
In Journal of Literature, Art and Culture “Growth” (2021, No. 24)
(Editor in chief: Daniela Andonovska-Trajkovska, Ed. Elizabeta Jonchikj, Milica DImitrijovska Radevska, Publisher: Association of Writers “Bitola Literary Circle” – Bitola, North Macedonia)