Друштвото на писатели „Битолски книжевен круг“ и НУУБ „Св.Климент Охридски“ – Битола со пригодно поетско читање на онлајн средба го одбележаа Светскиот ден на поезијата.
На почетокот на средбата претседателката на БКК Елизабета Јончиќ и директорот на НУУБ „ Св. Климент Охридски “- Битола м-р Бојан Стефановски имаа свои обраќања во однос на значењето на поезијата и промовирање на истата во јавноста.
На оваа средба поезија прочитаа Даниела Андоновска -Трајковска, Мирјана Стојановска, Елизабета Јончиќ и Илче Стојановски.
Настанот го следеа и ученици од СОУ „Јосип Броз Тито“– Битола со професорката по македонски јазик Симона Петровска.
Поезијата е свет на неисцрпливи можности за втемелување на зборовите во прекрасни духовни хармонии. Во неа се соединуваат креативните дејствија на универзумот, и секој нејзин здив е движечка сила за подобро утре, за соединување со убавините дадени од Бога. Да гледаме во убавото утре, и да ги заборавиме барем на момент сите грижи стремејќи се кон совршената хармонија!
