ПРОСТЕНО ДА МИ Е
Биднинава штура
по краеви ја диплам.
Ко бран див денот нов
го пакувам
и не гледам назад.
Постојам онаму
каде што се појавуваш
млад и весел,
ми газиш по срцето
додека буричкаш по небото.
Ти паѓам в очи
а ти ни нежен ни груб
и судија и џелат
ме расекуваш
со крајот од зеницата
за пак да се родам
знам дека верата без дело
сув неизедлив бајат леб.
Во Списание за книжевност, уметност и култура „Раст“ (2021, бр. 23),
(Уред. Даниела Андоновска-Трајковска, Елизабета Јончиќ и Милица Димитријовска Радевска, Изд. Друштво на писатели „Битолски книжевен круг“ – Битола, РС Македонија)
In Journal of Literature, Art and Culture “Growth” (2021, No. 23)
(Editor in chief: Daniela Andonovska-Trajkovska, Ed. Elizabeta Jonchikj, Milica DImitrijovska Radevska, Publisher: Association of Writers “Bitola Literary Circle” – Bitola, North Macedonia)